Teléfonos

Teléfono do Concello: 982 360 004

Fax do Concello: 982 360 518

Noticias

Calendario Laboral para o 2010


Calendario Laboral para o ano 2010

Decreto 350/2009, do 2 de xullo, polo que se determina o calendario laboral para o ano 2010 na Comunidade Autónoma de Galicia. (DOGA núm. 138, xoves, 16 de xullo de 2009)

O artigo 37.2º do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, e o artigo 45 do Real decreto 2001/1983, do 28 de xullo, na súa redacción dada polo Real decreto 1346/1989, do 3 de novembro, determinan o calendario de festas laborais de ámbito estatal, de carácter retribuído e non recuperable. Respecto dalgunhas das festas de ámbito estatal, as comunidades autónomas teñen facultades de opción ou substitución por outras que por tradición lles sexan propias.

En virtude destas facultades, na nosa comunidade autónoma, e ao coincidir con domingo, o 25 de xullo, Santiago Apóstolo, Día Nacional de Galicia, e o 15 de agosto, a Asunción, facendo uso da posibilidade establecida no artigo 45.3º do Real decreto 2001/1983, optouse pola súa substitución polos días 17 de maio, Día das Letras Galegas, e 19 de marzo, día de San Xosé, que pola súa significación xa foron implantadas como festas laborais noutras ocasións, seguindo, deste xeito, o criterio de festas laborais para conmemorar todo o que forma parte da nosa tradición, historia e cultura.

Segundo o establecido na Constitución española e no artigo 29.1º do Estatuto de autonomía de Galicia, en relación co Real decreto 2412/1982, do 24 de xullo, sobre traspaso de funcións e servizos á Comunidade Autónoma de Galicia, asumidas e asignadas polo Decreto 117/1982, do 5 de outubro, consultado o Consello Galego de Relacións Laborais, por proposta da persoa titular da Consellería de Traballo e Benestar e logo de deliberación do Consello da Xunta de Galicia na súa reunión do día dous de xullo de dous mil nove,

DISPOÑO:

Artigo 1º

Conforme o establecido no artigo 37.2º do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, e no artigo 45 do Real decreto 2001/1983, do 28 de xullo, modificado polo Real decreto 1346/1989, do 3 de novembro, de non se producir modificación no calendario laboral de carácter estatal, as festas laborais no territorio da Comunidade Autónoma de Galicia para o ano 2010 serán as seguintes:

1 de xaneiro Aninovo

6 de xaneiro Día de Reis

19 de marzo San Xosé

1 de abril Xoves Santo

2 de abril Venres Santo

1 de maio Festa do Traballo

17 de maio Día das Letras Galegas

12 de outubro Día da Hispanidade

1 de novembro Todos os Santos

6 de decembro Día da Constitución

8 de decembro A Inmaculada

25 de decembro Nadal

As festas mencionadas terán carácter retribuído e non recuperable.

Artigo 2º

Conforme o disposto no artigo 37.2º do Estatuto dos traballadores, artigo 46 do Real decreto 2001/1983, do 28 de xullo, e artigo 1.11º do Real decreto 2412/1982, do 24 de xullo, sobre traspaso de funcións e servizos da Administración do Estado á Comunidade Autónoma de Galicia en materia de traballo, serán inhábiles para o traballo, retribuídas e non recuperables dúas festas locais, que serán determinadas polo/a xefe/a territorial da Consellería de Traballo e Benestar en cada unha das delegacións territoriais da comunidade autónoma, por proposta do órgano municipal competente dos respectivos concellos, e publicaranse nos boletíns oficiais de cada provincia e no Diario Oficial de Galicia.

Artigo 3º

De acordo co que dispón o artigo 48.7º da Lei 30/1992, do 26 de novembro, modificada pola Lei 4/1999, do 13 de xaneiro, de réxime xurídico das administracións públicas e do procedemento administrativo común, as festas laborais sinaladas nos artigos precedentes terán o carácter de días inhábiles para os efectos de cómputo de prazos.

Disposición derradeira

Este decreto producirá efectos desde o día un de xaneiro do ano dous mil dez.

Santiago de Compostela, dous de xullo de dous mil nove.

Alberto Núñez Feijóo

Presidente

 

Beatriz Mato Otero

Conselleira de Traballo e Benestar

 

Certificación do Pleno do Concello de Becerreá

Dona Ana María Rivas García, Secretaria-Interventora do Concello de Becerreá.

CERTIFICO: Que na  sesión extraordinaria celebrada polo Pleno con data 24 de setembro de 2009, adoptáronse entre outros, o acordo do seguinte teor literal:

"2.-Proposición da Alcaldía relativa á determinación das festas locais para o ano 2010.

Déuse conta da proposición da Alcaldía que resultou do seguinte tenor literal:

"Visto o escrito remitido pola Delegación Provincial da Consellería Traballo e Benestar. Departamento Territorial, de data 29 de xullo de 2009, rexistrado de entrada co número 1345 de 3 de agosto de 2009, relativo ó calendario laboral para o ano 2010, é ós efectos de determina-las datas que se fixen como festas locais para o referido ano.

A vista do anterior, propoño ao Pleno do Concello a adopción do seguinte acordo: Declarar  festas locais, ós efectos do calendario laboral para o vindeiro ano 2010, as seguintes:

* Xoves, 24 de xuño de 2010, Festividade de San Xoán.

* Martes, 14 de setembro de 2010, e ós efectos lectivos o mércores de cinza."

Sen suscitarse debate o asunto sométese a votación. O Pleno do Concello, por unanimidade e en votación ordinaria acorda aprobar a proposición epigrafiada resolvendoa nos seus propios termos."

Para que así conste e coa salvedade prevista no artigo 206 do Regulamento de Organización, Funcionamento e Réxime Xurídico  das Entidades Locais, expido a presente certificación por orde e co visto e prace do señor Alcalde-Presidente, Becerreá, 19 de novembro de 2009.

Visto e prace

O Alcalde-Presidente,

 

 

Don Manuel Martínez Núñez.

 

 

Resolución do 2 de novembro de 2009, da Dirección Xeral de Relacións Laborais, pola que se dá publicidade ás festas laborais de carácter local para o ano 2010, correspondentes aos concellos das catro provincias da Comunidade Autónoma de Galicia. (DOGA núm. 227, xoves, 19 de novembro de 2009)

En cumprimento do disposto no artigo 37.2º do Estatuto dos traballadores, na súa redacción dada polo Real decreto lexislativo 1/1995, do 24 de marzo, e no artigo 46 do Real decreto 2001/1983, do 28 de xullo, así como no artigo 2 do Decreto 350/2009, do 2 de xullo, polo que se determina o calendario laboral para o ano 2010 na Comunidade Autónoma de Galicia (DOG nº 138, do 17 de xullo), e segundo o procedemento establecido e en virtude das resolucións ditadas para o efecto, as xefaturas territoriais da Consellería de Traballo e Benestar elaboraron o calendario laboral provincial no que se determinan as festas laborais de carácter local correspondentes aos concellos da respectiva provincia (A Coruña, Lugo, Ourense e Pontevedra).

De conformidade co establecido no artigo 46 do Real decreto 2001/1983, do 28 de xullo, e no artigo 2 do Decreto 350/2009, do 2 de xullo, e ante a conveniencia de que se coñezan as festividades de ámbito local desta comunidade autónoma sen ter que consultar diferentes boletíns oficiais, é preciso que se lles dea publicidade nun único diario oficial.

En virtude do anterior, a Dirección Xeral de Relacións Laborais acorda o seguinte:

Primeiro.-Dar publicidade ás festas de carácter local, inhábiles para os efectos laborais, retribuídas e non recuperables, para o ano 2010, que serán para os concellos pertencentes ás provincias da Coruña, Lugo, Ourense e Pontevedra as que figuran -respectivamente- nos anexos I, II, III e IV.

Segundo.-Lembrar que, en virtude do establecido no artigo 34.6º do Estatuto dos traballadores, as empresas deberán ter exposto o calendario laboral nun lugar visible de cada centro de traballo, para coñecemento e consulta dos traballadores. O incumprimento do anterior constitúe infracción en materia laboral tipificada no artigo 6 do Real decreto lexislativo 5/2000, do 4 de agosto, polo que se aproba o texto refundido da Lei sobre infraccións e sancións na orde social.

Santiago de Compostela, 2 de novembro de 2009.

 

Odilo Martiñá Rodríguez

Director xeral de Relacións Laborais

ANEXO I

Calendario laboral 2010

Provincia: A Coruña.

1. Abegondo: 16 de febreiro, Martes de Entroido; 29 de xuño, San Pedro.

2. Ames: 13 de maio, Ascensión; 24 de xuño, San Xoán.

3. Aranga: 16 de febreiro, Martes de Entroido; 3 de maio, Santa Cruz.

4. Ares: 17 de febreiro, Mércores de Cinza; 25 de maio, Voto de Chanteiro.

5. Arteixo: 16 de febreiro, Martes de Entroido; 26 de xullo, Santiago Apóstolo.

6. Arzúa: 16 de febreiro, Martes de Entroido; 16 de xullo, Virxe do Carme.

7. Baña, A: 22 de xaneiro, San Vicenzo; 9 de setembro, Virxe do Bo Suceso.

8. Bergondo: 16 de febreiro, Martes de Entroido; 16 de agosto, festas.

9. Betanzos: 16 de febreiro, Martes de Entroido; 16 de agosto, San Roque.

10. Boimorto: 16 de febreiro, Martes de Entroido; 14 de maio, San Cidre.

11. Boiro: 16 de xullo, Virxe do Carme; 31 de agosto, San Ramón de Bealo.

12. Boqueixón: 22 de xaneiro, San Vicenzo; 13 de maio, Ascensión.

13. Brión: 13 de maio, Ascensión; 27 de setembro, Santa Minia.

14. Cabana de Bergantiños: 16 de febreiro, Martes de Entroido; 24 de xuño, San Xoán.

15. Cabanas: 11 de novembro, San Martiño; 30 de novembro, Santo André.

16. Camariñas: 16 de febreiro, Martes de Entroido; 16 de xullo, Virxe do Carme.

17. Cambre: 16 de febreiro, Martes de Entroido; 16 de agosto, festas.

18. Capela, A: 5 de agosto, Nosa Sra. das Neves; 16 de agosto, festas.

19. Carballo: 24 de xuño, San Xoán Bautista; 25 de xuño, San Xoán Bautista.

20. Cariño: 16 de xullo, Virxe do Carme; 24 de agosto, San Bartolomeu.

21. Carnota: 11 de outubro, Festas; 7 de decembro, festas.

22. Carral: 16 de febreiro, Martes de Entroido; 8 de setembro, festas.

23. Cedeira: 16 de febreiro, Martes de Entroido; 26 de xullo, Santa Ana.

24. Cee: 16 de xuño, Santo Adrán; 16 de agosto, San Roque.

25. Cerceda: 16 de febreiro, Martes de Entroido; 24 de xuño, San Xoán.

26. Cerdido: 16 de febreiro, Martes de Entroido; 28 de xuño, Festas.

27. Cesuras: 16 de febreiro, Martes de Entroido; 24 de xuño, San Xoán.

28. Coirós: 7 de xaneiro, San Xiao; 16 de febreiro, Martes de Entroido.

29. Corcubión: 16 de xullo, Festas; 24 de setembro, festas.

30. Coristanco: 16 de febreiro, Martes de Entroido; 20 de agosto, festas.

31. Coruña, A: 16 de febreiro, Martes de Entroido; 7 de outubro, Virxe do Rosario.

32. Culleredo: 16 de febreiro, Martes de Entroido; 27 de decembro, Santo Estevo.

33. Curtis: 16 de febreiro, Martes de Entroido; 8 de setembro, Nosa Sra. dos Remedios.

34. Dodro: 16 de febreiro, Martes de Entroido; 13 de setembro, Virxe do Bo Parto e do Leite.

35. Dumbría: 24 de xuño, San Xoán; 10 de decembro, Santa Baia.

36. Fene: 17 de febreiro, Mércores de Cinza; 6 de agosto, San Salvador.

37. Ferrol: 7 de xaneiro, San Xiao; 5 de abril, Nosa Sra. de Chamorro.

38. Fisterra: 5 de abril, Luns de Pascua; 8 de setembro, festas.

39. Frades: 16 de febreiro, Martes de Entroido; 29 de setembro, San Miguel.

40. Irixoa: 16 de febreiro, Martes de Entroido; 10 de agosto, San Lourenzo.

41. Laracha, A: 16 de febreiro, Martes de Entroido; 8 de setembro, Virxe dos Milagres de Caión.

42. Laxe: 16 de agosto, San Roque; 17 de agosto, Virxe do Carme.

43. Lousame: 24 de xuño, San Xoán; 10 de agosto, San Lourenzo.

44. Malpica de Bergantiños: 16 de febreiro, Martes de Entroido; 4 de xuño, Venres de Corpus.

45. Mañón: 16 de febreiro, Martes de Entroido; 7 de decembro, Festa do Marisco.

46. Mazaricos: 16 de febreiro, Martes de Entroido; 25 de xuño, festas.

47. Melide: 29 de xuño, San Pedro; 16 de xullo, Virxe do Carme.

48. Mesía: 16 de febreiro, Martes de Entroido; 6 de agosto, San Salvador.

49. Miño: 16 de febreiro, Martes de Entroido; 29 de xuño, San Pedro.

50. Moeche: 16 de febreiro, Martes de Entroido; 23 de abril, San Xurxo.

51. Monfero: 15 de febreiro, Luns de Entroido; 16 de febreiro, Martes de Entroido.

52. Mugardos: 7 de xaneiro, San Xiao; 2 de xuño, Voto de Chanteiro.

53. Muros: 29 de xuño, San Pedro; 16 de xullo, Virxe do Carme.

54. Muxía: 5 de abril, Festas; 13 de setembro, festas.

55. Narón: 17 de febreiro, Mércores de Cinza; 23 de novembro, Día de Narón.

56. Neda: 17 de febreiro, Mércores de Cinza; 8 de setembro, Santa María.

57. Negreira: 9 de xullo, San Cristovo; 20 de setembro, Santa Margarida.

58. Noia: 16 de xullo, Virxe do Carme; 24 de agosto, San Bartolomeu.

59. Oleiros: 16 de febreiro, Martes de Entroido; 24 de xuño, San Xoán.

60. Ordes: 16 de febreiro, Martes de Entroido; 16 de agosto, festas.

61. Oroso: 16 de febreiro, Martes de Entroido; 16 de setembro, Santa Eufemia.

62. Ortigueira: 16 de febreiro, Martes de Entroido; 29 de xullo, Santa Marta de Ortigueira.

63. Outes: 17 de febreiro, Mércores de Cinza; 29 de setembro, San Miguel.

64. Oza dos Ríos: 16 de febreiro, Martes de Entroido; 15 de maio, San Isidro.

65. Paderne: 16 de febreiro, Martes de Entroido; 18 de agosto, festas.

66. Padrón: 5 de abril, Luns de Pascua; 6 de maio, San Xoán do Raio.

67. Pino, O: 29 de xuño, San Pedro; 22 de xullo, A Magdalena.

68. Pobra do Caramiñal, A: 23 de agosto, Luns do Carme dos Pincheiros; 20 de setembro, Luns de Nazareno.

69. Ponteceso: 13 de setembro, Festas; 14 de setembro, festas.

70. Pontedeume: 8 de setembro, Festas; 10 de setembro, festas.

71. Pontes de García Rodríguez, As: 16 de febreiro, Martes de Entroido; 19 de xullo, Virxe do Carme.

72. Porto do Son: 16 de febreiro, Martes de Entroido; 9 de setembro, Festa do Loreto.

73. Rianxo: 16 de xullo, Virxe do Carme; 17 de setembro, Venres de Guadalupe.

74. Ribeira: 16 de febreiro, Martes de Entroido; 24 de xullo, Festa da Dorna.

75. Rois: 5 de abril, Luns de Pascua; 15 de maio, San Isidro Labrador.

76. Sada: 16 de febreiro, Martes de Entroido; 16 de agosto, San Roque.

77. San Sadurniño: 16 de febreiro, Martes de Entroido; 2 de xullo, Santa Isabel.

78. Santa Comba: 29 de xuño, San Pedro e San Paulo; 30 de xuño, San Marcial.

79. Santiago de Compostela: 13 de maio, Ascensión; 16 de agosto, San Roque.

80. Santiso: 24 de xuño, San Xoán; 15 de setembro, Santa Cruz.

81. Sobrado dos Monxes: 24 de maio, Luns de Pías; 29 de xuño San Pedro.

82. Somozas, As: 16 de febreiro, Martes de Entroido; 26 de xullo, festas.

83. Teo: 13 de maio, Ascensión; 11 de novembro, San Martiño.

84. Toques: 15 de maio, San Isidro Labrador; 2 de setembro, San Antolín.

85. Tordoia: 16 de febreiro, Martes de Entroido; 14 de maio, festas.

86. Touro: 5 de abril, Luns de Pascua; 24 de xuño, San Xoán.

87. Trazo: 16 de setembro, Santa Eufemia; 21 de setembro, San Mateo.

88. Val do Dubra: 6 de abril, Feira de Abril; 6 de agosto, Festa do Emigrante.

89. Valdoviño: 16 de febreiro, Martes de Entroido; 17 de agosto, festas.

90. Vedra: 20 de setembro, Día do Patio; 10 de decembro, Santa Baia.

91. Vilarmaior: 15 de febreiro, Luns de Entroido; 16 de febreiro, Martes de Entroido.

92. Vilasantar: 16 de febreiro, Martes de Entroido; 26 de xullo, festas.

93. Vimianzo: 22 de xaneiro, San Vicenzo; 9 de agosto, festas do verán.

94. Zas: 16 de xullo, Virxe do Carme; 26 de xullo, Santa Margarida.

ANEXO II

Calendario laboral

Provincia: Lugo.

1. Abadín: 16 de febreiro, Martes de Entroido; 13 de setembro, Santa María - festas locais.

2. Alfoz: 16 de febreiro, Martes de Entroido; 7 de decembro, ponte da Constitución.

3. Antas de Ulla: 24 de xuño, San Xoán; 8 de setembro, Virxe dos Remedios.

4. Baleira: 16 de febreiro, Martes de Entroido; 12 de agosto, San Cristovo.

5. Baralla: 16 de febreiro, Martes de Entroido; 27 de agosto, San Vitorio.

6. Barreiros: 24 de agosto, San Bartolo; 27 de agosto, San Cosme.

7. Becerreá: 24 de xuño, San Xoán; 14 de setembro, Santo Ecce-Homo.

8. Begonte: 16 de febreiro, Martes de Entroido; 29 de xuño, San Pedro.

9. Bóveda: 1 de setembro, San Xil; 15 de setembro, Divino Ecce-Homo.

10. Burela: 16 de febreiro, Martes de Entroido; 7 de xuño, luns das festas patronais.

11. Carballedo: 26 de xullo, San Xaquín; 16 de agosto, San Roque.

12. Castro de Rei: 16 de febreiro, Martes de Entroido; 9 de agosto, San Roque e Doce Nome de María.

13. Castroverde: 16 de febreiro, Martes de Entroido; 26 de xullo, Santiago Apóstolo.

14. Cervantes: 16 de febreiro, Martes de Entroido; 20 de maio, Os Remedios.

15. Cervo: 16 de xullo, Virxe do Carme; 16 de agosto, San Roque.

16. Corgo, O: 16 de febreiro, Martes de Entroido; 5 de outubro, San Froilán.

17. Cospeito: 16 de febreiro, Martes de Entroido; 8 de setembro, Festas Virxe do Monte.

18. Chantada: 24 de agosto, Festa da Empanada; 18 de outubro, San Lucas.

19. Folgoso do Caurel: 16 de febreiro, Martes de Entroido; 5 de abril, Luns de Pascua.

20. Fonsagrada, A: 16 de febreiro, Martes de Entroido; 10 de setembro, festas patronais da Fonsagrada.

21. Foz: 16 de xullo, Festividade do Carme; 10 de agosto, San Lourenzo.

22. Friol: 16 de febreiro, Martes de Entroido; 12 de xullo, Santa Isabel.

23. Guitiriz: 16 de febreiro, Martes de Entroido; 24 de xuño, San Xoán.

24. Guntín: 16 de febreiro, Martes de Entroido; 5 de xullo, luns das festas.

25. Incio, O: 10 de maio, Santa Cruz; 15 de maio, Santo Eufrasio.

26. Láncara: 16 de febreiro, Martes de Entroido; 23 de agosto, Luns de San Roque.

27. Lourenzá: 16 de febreiro, Martes de Entroido; 30 de agosto, Luns do Conde Santo.

28. Lugo: 16 de febreiro, Martes de Entroido; 5 de outubro, San Froilán.

29. Meira: 16 de febreiro, Martes de Entroido; 16 de agosto.

30. Mondoñedo: 13 de setembro, Festa dos Remedios; 18 de outubro, San Lucas.

31. Monforte de Lemos: 17 de febreiro, Mércores de Cinza; 21 de setembro, San Mateo.

32. Monterroso: 16 de febreiro, Martes de antroido; 29 de setembro, San Miguel.

33. Muras: 16 de febreiro, Martes de Entroido; 28 de xuño, San Pedro.

34. Navia de Suarna: 16 de febreiro, Martes de Entroido; 20 de setembro, Virxe das Dores.

35. Negueira de Muñiz: 16 de febreiro, Martes de Entroido; 16 de agosto, Nosa Sra. da Veiga.

36. Nogais, As: 16 de febreiro, Martes de Entroido; 9 de agosto, Festa do Turista.

37. Ourol: 16 de febreiro, Martes de Entroido; 13 de maio, Nosa Señora de Fátima.

38. Outeiro de Rei: 16 de febreiro, Martes de Entroido; 5 de xullo, Santa Isabel.

39. Palas de Rei: 28 de xaneiro, San Tirso; 14 de setembro, Festa do Ecce-Hommo.

40. Pantón: 16 de febreiro, Martes de Entroido; 23 de agosto, Festa de Ferreira.

41. Paradela: 16 de febreiro, Martes de Entroido; 29 de setembro, San Miguel.

42. Páramo, O: 16 de febreiro, Martes de Entroido; 11 de xuño, Feiras de Primavera.

43. Pastoriza, A: 16 de febreiro, Martes de Entroido; 18 de outubro, San Lucas.

44. Pedrafita do Cebreiro: 16 de febreiro, Martes de Entroido; 9 de setembro, Santa María a Real do Cebreiro.

45. Poboa do Brollón, A: 7 de xuño, luns seguinte ao Corpus Christi; 27 de agosto, San Vitorio.

46. Pol: 16 de febreiro, Martes de Entroido; 24 de agosto, Festa do Emigrante.

47. Pontenova, A: 16 de febreiro, Martes de Entroido; 11 de outubro, Luns das Feiras da Pontenova.

48. Portomarín: 30 de xuño, San Pedro; 6 de setembro, Luns das Festas do Cristo da Victoria.

49. Quiroga: 5 de abril, Luns de Pascua; 11 de novembro, San Martiño.

50. Rábade: 16 de febreiro, Martes de Entroido; 13 de agosto, Nosa Sra. da Asunción.

51. Ribadeo: 16 de agosto, San Roque; 8 de setembro, Sta. María do Campo.

52. Ribas de Sil: 16 de agosto, San Roque; 7 de decembro, San Ambrosio.

53. Ribeira de Piquín: 16 de febreiro, Martes de Entroido; 23 de abril, San Xurxo.

54. Riotorto: 16 de febreiro, Martes de Entroido; 29 de xuño, San Pedro.

55. Samos: 16 de febreiro, Martes de Entroido; 12 de xullo, San Benito.

56. Sarria: 24 de xuño, San Xoán Bautista; 8 de setembro, Virxe dos Remedios.

57. Saviñao, O: 16 de febreiro, Martes de Entroido; 3 de agosto, Festas Patronais.

58. Sober: 8 de setembro, Romaría de Cadeiras; 20 de setembro, Virxe do Carme.

59. Taboada: 16 de febreiro, Martes de Entroido; 9 de agosto, Luns das Festas Patronais.

60. Trabada: 16 de febreiro, Martes de Entroido; 16 de agosto, San Roque.

61. Triacastela: 16 de febreiro, Martes de Entroido; 17 de agosto, San Mamede.

62. Valadouro, O: 16 de febreiro, Martes de Entroido; 9 de setembro, Sta. María.

63. Vicedo, O: 16 de febreiro, Martes de Entroido; 2 de agosto, Santo Estevo.

64. Vilalba: 31 de agosto, San Ramón; 1 de setembro, Sta. María.

65. Viveiro: 16 de febreiro, Martes de Entroido; 16 de agosto, San Roque.

66. Xermade: 16 de febreiro, Martes de Entroido; 9 de agosto, Luns de Santa María.

67. Xove: 16 de febreiro, Martes de Entroido; 30 de agosto, Festa Patronal de San Bartolo.

ANEXO III

Calendario laboral

Provincia: Ourense.

1. Allariz: 16 de febreiro, Martes de Entroido; 4 de xuño, Venres do Boi.

2. Amoeiro: 16 de febreiro, Martes de Entroido; 11 de novembro, San Martiño.

3. Arnoia, A: 15 de xaneiro, San Amaro; 30 de xullo, Festa do Pemento.

4. Avión: 16 de febreiro, Martes de Entroido; 9 de agosto, Luns de San Roque.

5. Baltar: 16 de febreiro, Martes de Entroido; 13 de maio, A Ascensión.

6. Bande: 16 de febreiro, Martes de Entroido; 23 de agosto, San Roque.

7. Baños de Molgas: 6 de agosto, San Salvador; 8 de setembro, Os Milagres.

8. Barbadás: 16 de febreiro, Martes de Entroido; 11 de novembro, San Martiño.

9. Barco de Valdeorras, O: 24 de maio, Santa Rita; 14 de setembro, Día do Cristo.

10. Beade: 3 de febreiro, San Brais; 2 de xullo, Santa Isabel.

11. Beariz: 16 de febreiro, Martes de Entroido; 16 de agosto, San Roque.

12. Blancos, Os: 16 de febreiro, Martes de Entroido; 15 de setembro, Nosa Señora das Dores.

13. Boborás: 16 de febreiro, Martes de Entroido; 14 de xuño, San Antón.

14. Bola, A: 16 de febreiro, Martes de Entroido; 3 de maio, Santa Cruz en Veiga.

15. Bolo, O: 16 de agosto; 13 de decembro.

16. Calvos de Randín: 17 de febreiro, Mércores de Cinza; 9 de agosto.

17. Carballeda de Avia: 16 de febreiro, Martes de Entroido; 24 de maio, Luns de Lodairo.

18. Carballeda de Valdeorras: 16 de febreiro, Martes de Entroido; 12 de abril, Nosa Señora da Encarnación.

19. Carballiño, O: 16 de febreiro, Martes de Entroido; 17 de setembro.

20. Cartelle: 16 de febreiro, Martes de Entroido; 24 de maio, Luns de Pentecoste-Festa das Marabillas.

21. Castrelo de Miño: 16 de febreiro, Martes de Entroido; 5 de agosto, A Virxe das Neves.

22. Castrelo do Val: 17 de febreiro, Mércores de Cinza; 8 de setembro, Nosa Señora dos Remedios.

23. Castro Caldelas: 20 de xaneiro, San Sebastián; 8 de setembro, Nosa Señora dos Remedios.

24. Celanova: 1 de marzo, San Rosendo; 16 de agosto, San Roque.

25. Cenlle: 16 de febreiro, Martes de Entroido; 16 de agosto, San Roque.

26. Chandrexa de Queixa: 16 de febreiro, Martes de Entroido; 5 de xullo, Romaría de Chandrexa de Queixa.

27. Coles: 16 de febreiro, Martes de Entroido; 11 de novembro, San Martiño.

28. Cortegada: 26 de xullo, Santa Ana; 11 de novembro, San Martiño.

29. Cualedro: 17 de febreiro, Mércores de Cinza; 16 de xullo, O Carme.

30. Entrimo: 2 de agosto; 16 de agosto.

31. Esgos: 2 de febreiro, As Candelas, Patroa de Esgos;16 de febreiro, Martes de Entroido.

32. Gomesende: 13 de maio, Nosa Señora da Guía; 13 de agosto.

33. Gudiña, A: 25 de febreiro, Beato Sebastián de Aparicio; 24 de agosto, San Bartolomeu.

34. Irixo, O: 16 de febreiro, Martes de Entroido; 13 de maio, Virxe de Fátima.

35. Larouco: 8 de setembro, Santa María dos Remedios; 13 de decembro, Santa Lucía.

36. Laza: 17 de febreiro, Mércores de Cinza; 24 de xuño, San Xoán.

37. Leiro: 3 de maio, Santa Cruz; 29 de xuño, San Pedro.

38. Lobeira: 22 de xaneiro, San Vicente; 8 de setembro, Viso Pequeno.

39. Lobios: 16 de febreiro, Martes de Entroido; 13 de agosto.

40. Maceda: 16 de febreiro, Martes de Entroido; 10 de agosto, Festas Patronais de Maceda.

41. Manzaneda: 16 de febreiro, Martes de Entroido; 9 de agosto, As Neves.

42. Maside: 16 de febreiro, Martes de Entroido; 27 de agosto.

43. Melón: 16 de febreiro, Martes de Entroido; 3 de maio.

44. Merca, A: 16 de febreiro, Martes de Entroido; 31 de maio, Espírito Santo.

45. Mezquita, A: 5 de agosto, A Virxe das Neves; 11 de novembro, San Martiño.

46. Montederramo: 16 de febreiro, Martes de Entroido; 16 de agosto, San Roque.

47. Monterrei: 26 de xullo; 16 de agosto.

48. Muíños: 16 de febreiro, Martes de Entroido; 4 de outubro, San Francisco.

49. Nogueira de Ramuín: 16 de agosto, San Roque;11 de novembro, San Martiño.

50. Oímbra: 17 de febreiro, Mércores de Cinza; 26 de xullo, Santa Ana.

 

51. Ourense: 16 de febreiro, Martes de Entroido; 11 de novembro, San Martiño.

52. Paderne de Allariz: 16 de febreiro, Martes de Entroido; 11 de novembro, San Martiño.

53. Padrenda: 24 de xuño, San Xoán de Crespos; 16 de agosto, San Roque.

54. Parada de Sil: 16 de febreiro, Martes de Entroido; 31 de agosto, San Ramón Nonato.

55. Pereiro de Aguiar, O: 16 de febreiro, Martes de Entroido; 11 de novembro, San Martiño.

56. Peroxa, A: 16 de febreiro, Martes de Entroido; 11 de novembro, San Martiño.

57. Petín: 18 de xaneiro, Santo Antón; 26 de xullo, Santa Ana.

58. Piñor: 16 de febreiro, Martes de Entroido; 11 de novembro, San Martiño.

59. Pobra de Trives, A: 24 de agosto, San Bartolomeu; 14 de setembro, Santo Cristo da Misericordia.

60. Pontedeva: 1 de outubro, San Breixo; 11 de novembro, San Martiño.

61. Porqueira: 16 de xullo, O Carme; 11 de novembro, San Martiño.

62. Punxín: 16 de febreiro, Martes de Entroido; 12 de abril, San Wintila (luns).

63. Quintela de Leirado: 8 de setembro, A Virxe dos Remedios; 11 de novembro, San Martiño.

64. Rairiz de Veiga: 24 de xuño, San Xoán; 24 de setembro, Nosa Señora da Mercé (festa da Saínza).

65. Ramirás: 16 de febreiro, Martes de Entroido; 11 de novembro.

66. Ribadavia: 16 de febreiro, Martes de Entroido; 8 de setembro.

67. Riós: 16 de agosto, San Roque (patrón de Riós); 15 de setembro, Romaría da Virxe das Dores na Trepa.

68. Rúa de Valdeorras, A: 11 de xuño, San Antón; 9 de agosto, festas do verán.

69. Rubiá: 13 de maio, A Ascensión; 24 de agosto, San Bartolomeu.

70. San Amaro: 16 de febreiro, Martes de Entroido; 15 de xullo, San Amaro.

71. San Cibrao das Viñas: 16 de febreiro, Martes de Entroido; 11 de novembro, San Martiño.

72. San Cristovo de Cea: 16 de febreiro, Martes de Entroido; 27 de setembro, Festas da Saleta.

73. San Xoán de Río: 24 de xuño, San Xoán; 6 de agosto, festa do verán.

74. Sandiás: 16 de febreiro, Martes de Entroido; 5 de abril, Luns de Pascua.

75. Sarreaus: 17 de febreiro, Mércores de Cinza; 13 de setembro, festas patronais.

76. Taboadela: 16 de febreiro, Martes de Entroido; 11 de novembro, San Martiño.

77. Teixeira, A: 16 de febreiro, Martes de Entroido; 25 de novembro, Santa Catalina.

78. Toén: 16 de febreiro, Martes de Entroido; 11 de novembro, San Martiño.

79. Trasmiras: 16 de febreiro, Martes de Entroido; 24 de xuño, San Xoán.

80. Veiga, A: 16 de febreiro, Martes de Entroido; 8 de setembro.

81. Verea: 16 de febreiro, Martes de Entroido; 11 de novembro, San Martiño.

82. Verín: 12 de febreiro; 17 de febreiro, Mércores de Cinza.

83. Viana do Bolo: 17 de febreiro, Mércores de Cinza; 16 de agosto, San Roque.

84. Vilamarín: 16 de febreiro, Martes de Entroido; 11 de novembro, San Martiño.

85. Vilamartín de Valdeorras: 23 de abril, San Xurxo; 22 de xullo, Santa María Magdalena.

86. Vilar de Barrio: 16 de febreiro, Martes de Entroido; 8 de setembro, Natividade de María.

87. Vilar de Santos: 5 de abril, Luns de Pascua; 5 de agosto, Virxe das Neves.

88. Vilardevós: 17 de febreiro, Mércores de Cinza; 16 de agosto, San Roque.

89. Vilariño de Conso: 15 de febreiro, Luns de Entroido; 11 de novembro, San Martiño.

90. Xinzo de Limia: 16 de febreiro, Martes de Entroido; 17 de xullo.

91. Xunqueira de Ambía: 29 de abril, San Pedro; 16 de agosto, San Roque.

92. Xunqueira de Espadañedo: 16 de febreiro, Martes de Entroido; 5 de xullo, luns seguinte á Festa Patronal Santa Isabel.

ANEXO IV

Calendario laboral

Provincia: Pontevedra.

1. Agolada: 29 de xuño; 30 de xuño, San Pedro e San Paulo.

2. Arbo: 3 de febreiro, San Brais; 16 de agosto, San Roque.

3. Baiona: 16 de xullo, Virxe do Carme; 20 de xullo, Santa Liberata.

4. Barro: 18 de xuño, Festa do Viño; 1 de outubro, Romaría de San Breixo.

5. Bueu: 16 de xullo, Virxe do Carme; 11 de novembro, San Martiño.

6. Caldas de Reis: 24 de xuño, San Xoán; 16 de agosto, San Roque.

7. Cambados: 16 de xullo, Virxe do Carme; 16 de agosto, San Roque.

8. Campo Lameiro: 29 de setembro, San Miguel; 30 de setembro, San Xerónimo.

9. Cangas: 26 de marzo, Venres das Dores; 30 de agosto, Luns do Cristo.

10. Cañiza, A: 24 de maio, Festa das Pascuiñas; 15 de outubro, Festa de Santa Tareixa

11. Catoira: 5 de xullo, San Pedro; 12 de xullo, Santo Antonio de Padua.

12. Cerdedo: 24 de xuño, San Xoán Bautista; 26 de xullo, Luns do Ecce-Homo.

13. Cotobade: 17 de febreiro, Mércores de Cinza; 23 de agosto, San Roque e Santo Antón.

14. Covelo: 24 de maio, Festa das Pascuiñas; 26 de xullo.

15. Crecente: 13 de maio, Virxe de Fátima; 29 de xuño, San Pedro.

16. Cuntis: 16 de febreiro, Martes de Entroido; 17 de agosto, Virxe do Carme.

17. Dozón: 6 de agosto, San Salvador; 6 de setembro, Virxe da Pena de Francia.

18. Estrada, A: 24 de xuño, Festas Patronais de San Paio; 25 de xuño.

19. Forcarei: 30 de agosto, Luns das Dores; 11 de novembro, San Martiño.

20. Fornelos de Montes: 5 de abril, Luns de Pascua; 12 de agosto, San Lourenzo.

21. Gondomar: 12 de xullo, Santo Antonio; 16 de agosto, San Roque.

22. Grove, O: 16 de xullo, Virxe do Carme; 11 de novembro, San Martiño do Grove.

23. Guarda, A: 16 de xullo, Virxe do Carme; 23 de setembro, Santa Tegra.

24. Illa de Arousa, A: 7 de xaneiro, San Xulián; 16 de febreiro, Martes de Entroido.

25. Lalín: 20 de setembro; 21 de setembro, Festas patronais.

26. Lama, A: 28 de xullo, San Xoaquín e Santa Ana; 5 de agosto, Nosa Señora das Ermidas.

27. Marín: 16 de xullo, Virxe do Carme; 8 de setembro, Nosa Señora do Porto.

28. Meaño: 5 de abril, Luns de Pascua; 13 de decembro, Santa Lucía.

29. Meis: 5 de abril, Luns de Pascua (Nosa Señora das Cabezas); 16 de agosto, San Roque.

30. Moaña: 16 de xullo, Nosa Señora do Carme; 11 de novembro, San Martiño.

31. Mondariz: 24 de maio, Virxe da Franqueira; 16 de agosto, San Roque.

32. Mondariz-Balneario: 11 de febreiro, Nosa Señora de Lurdes; 24 de maio, Romaría Santuario da Franqueira.

33. Moraña: 19 de xullo, Santa Xusta; 13 de decembro, Santa Lucía.

34. Mos: 16 de febreiro, Martes de Entroido; 14 de xuño.

35. Neves, As: 29 de xullo, Santa Marta; 5 de agosto, Nosa Señora das Neves.

36. Nigrán: 24 de xuño, San Xoán; 29 de xuño, San Pedro.

37. Oia: 24 de maio, Virxe do Mar; 29 de setembro, San Miguel.

38. Pazos de Borbén: 15 de xaneiro, San Amaro; 13 de abril, Luns de Pascua.

39. Poio: 24 de xuño, San Xoán; 24 de setembro, Nosa Sra. da Mercé.

40. Ponteareas: 7 de xuño, luns seguinte á Festa de Corpus Cristi; 29 de setembro, San Miguel Arcanxo.

41. Ponte Caldelas: 17 de febreiro, Mércores de Cinza; 1 de setembro, Mércores da Festa das Dores.

42. Pontecesures: 7 de xaneiro, San Xulián; 5 de xullo, Festa do Carme.

43. Pontevedra: 17 de febreiro, Mércores de Cinza; 5 de abril, San Cibrán.

44. Porriño, O: 12 de xullo, San Bieito; 27 de setembro, Santísimo Cristo da Agonía.

45. Portas: 7 de xaneiro, San Xiao; 5 de abril, Luns de Pascua.

46. Redondela: 12 de abril, Luns do Cristo; 3 de xuño, Xoves da Coca.

47. Ribadumia: 5 de abril, Luns de Pascua; 10 de decembro, Santa Eulalia.

48. Rodeiro: 14 de xuño, Santo Antonio; 8 de setembro, Nosa Señora do Faro.

49. Rosal, O: 16 de febreiro, Martes de Entroido; 26 de xullo, Santa Ana.

50. Salceda de Caselas: 16 de febreiro, Martes de Entroido; 19 de xullo, Luns do Cristo.

51. Salvaterra de Miño: 14 de xuño, Santísimo Cristo da Vitoria; 10 de agosto, San Lourenzo.

52. Sanxenxo: 5 de abril, Luns de Pascua; 25 de agosto, San Xenxo.

53. Silleda: 12 de xullo, luns seguinte á Festa de Silleda; 23 de agosto, Festa da Empanada.

54. Soutomaior: 5 de abril, Luns de Pascua; 6 de agosto, San Salvador.

55. Tomiño: 16 de agosto, San Roque; 13 de setembro, Luns do Alivio.

56. Tui: 16 de febreiro, Martes de Entroido; 12 de abril, Luns de San Telmo.

57. Valga: 3 de febreiro, San Brais; 26 de xullo, Santa Ana.

58. Vigo: 29 de marzo, Reconquista da Cidade; 16 de agosto, San Roque.

59. Vilaboa: 16 de febreiro, Martes de Entroido; 11 de novembro, San Martiño.

60. Vila de Cruces: 9 de agosto; 10 de agosto, Festas Patronais da Nosa Sra. da Piedade.

61. Vilagarcía de Arousa: 22 de maio, Santa Rita; 16 de agosto, San Roque.

62. Vilanova de Arousa: 15 de xaneiro, Santo Amaro; 16 de setembro, Virxe da Pastoriza.

 

 

files/CALENDARIO_LABORAL_2010.jpg  

Servizos

Novas Destacadas
Volver    
[Xunta de Galicia]